Litaniae Sacratissimi Cordis Iesu (Latin)

To be said during the month of June.

For the Latin Chant version, see No. 94 in the Hymnal.

Kyrie, eléison. Christe, eléison.

Kyrie, eléison. Christe, audi nos, Christe, exáudi nos.

Pater de cælis, Deus, Miserére nobis.

Fili Redémptor mundi, Deus, Miserére nobis.

Spíritus Sancte, Deus, Miserére nobis.

Sancta Trínitas, unus Deus, Miserére nobis.

Cor Iesu, Fílii Patris ætérni,

* Miserére nobis.

Cor Iesu, in sinu Vírginis Matris a Spíritu Sancto formátum,

Cor Iesu, Verbo Dei substantiáliter únitum,

Cor Iesu, majestátis infínitæ,

Cor Iesu, templum Dei sanctum,

Cor Iesu, tabernáculum Altíssimi,

Cor Iesu, domus Dei et porta cæli,

Cor Iesu, fornax ardens caritátis,

Cor Iesu, justitiæ et amoris receptáculum,

Cor Iesu, bonitáte et amore,

Cor Iesu, virtútum ómnium abyssus,

Cor Iesu, omni laude digníssimum,

Cor Iesu, rex et centrum ómnium córdium,

Cor Iesu, in quo sunt omnes thesáuri sapiéntiæ et sciéntiæ,

Cor Iesu, in quo habitat omnis plenitúdo divinitátis,

Cor Iesu, in quo Pater sibi bene complacuit,

Cor Iesu, de cujus plenitúdine omnes nos accépimus,

Cor Iesu, desidérium collíum ætérnorum,

Cor Iesu, pátiens et multæ misericórdiæ,

Cor Iesu, dives in omnes qui invocant te,

Cor Iesu, fons vitæ et sanctitátis,

Cor Iesu, propitiátio pro peccátis nostris,

Cor Iesu, saturátum oppróbriis,

Cor Iesu, attrítum propter scelera nostra,

Cor Iesu, usque ad mortem obédiens factum,

Cor Iesu, láncea perforátum,

Cor Iesu, fons tótius consolatiónis,

Cor Iesu, vita et resurréctio nostra,

Cor Iesu, pax et reconciliátio nostra,

Cor Iesu, víctima peccatórum,

Cor Iesu, salus in te sperántium,

Cor Iesu, spes in te moriéntium,

Cor Iesu, delíciæ sanctórum ómnium,

Agnus Dei, qui tollis peccáta mundi, Parce nobis, Dómine.

Agnus Dei, qui tollis peccáta mundi, Exáudi nos, Dómine.

Agnus Dei, qui tollis peccáta mundi, Miserére nobis.

V. Iesu, mitis et húmilis corde. Fac cor nostrum secúndum Cor tuum.

Orémus

Omnipotens sempitérne Déus, réspice in Cor dilectíssimi Fílii túi, et in láudes et satisfactiónes quas in nómine peccatórum tíbi persólvit, iísque misericórdiam túam peténtibus, tu véniam concéde placátus, in nómine ejúsdem Fílii túi Jésu Chrísti. Qui técum vívit et régnat in saécula saeculórum. Amen.